83
Mongko kanthine tumuruh
Salami mung awas eling
Eling lukitaning alam
Dadi wiryaning dumadi
Supadi nir ing sangsoyo
Yeku pangreksaning urip
84
Eling lukitaning alam
Dadi wiryaning dumadi
Supadi nir ing sangsoyo
Yeku pangreksaning urip
84
Marmo den taberi kulup
Anglung lantiping ati
Rino wengi den anedyo
Pandak panduking pambudi
Bengkas kahardaning driyo
Supoyo dadiyo utami
Anglung lantiping ati
Rino wengi den anedyo
Pandak panduking pambudi
Bengkas kahardaning driyo
Supoyo dadiyo utami
85
Pangasahe sepi samun
Aywo esa ing salami
Samangso wis kawistoro
Lalandhepe mingis mingis
Pasah wukir reksomuka
Kekes srabedaning budhi
86
Dene awas tegesipun
Weruh waraning urip
Miwah wisesaning tunggal
Kang atunggil rino wengi
Kang mukitan ing sakarso
Gumelar ngalam sakalir
87
Aywo sembrono ing kalbu
Wawasen wuwus sireki
Ing kono yekti karoso
Dudu ucape pribadi
Marmo den sembadeng sedyo
Wewesen praptaning uwis
88
Sirnakno semanging kalbu
Den waspodo ing pangeksi
Yekti dalaning kasidan
Sinudo soko sethithik
Pamotaning napsu howo
Linalantih mamrih titih
89
Aywo mematuh nalutuh
Tanpo tuwas tanpo kasil
Kasalibuk ing srabedo
Marmo dipun ati ati
Urip keh rencono niro
Sambekolo den kaliling
90
Umpamane wong lumaku
Margo gawat den liwati
Lamun kurang ing pangarah
Sayekti karendhat ing ri
Apese kesandung padas
Babak bundhas anemahi
91
Lumrah bae yen kadyeku
Atetombo yen wus bucik
Duweyo kawruh sabodhag
Yen tan nartani ing kapti
Dadi kawruhe kinaryo
Ngupoyo kasil lan melik
92
Meloke yen arso muluk
Muluk ujare lir wali
Wola wali nora nyoto
Anggepe pandhito luwih
Kaluwihane tan ono
Kabeh tondho tondho sepi
93
Kawruhe mung ono wuwus
Wuwuse gumaib gaib
Kasliring sithik tan keno
Mencereng alise gathuk
Opo pandhito antigo
Kang mangkono iku kaki
94
Mongko to kang aran laku
Lakune ngelmu sejati
Tan dahwen pati openan
Tan panasten nora jail
Tan njurungi ing kahardan
Amung eneng mamrih ening
95
Kaunanging budhi luhur
Bangkit ajur kaki
Yen mangkono bakal cikal
Thukul wijining utami
Nadyan bener kawruh iro
Yen ono kang nyulayani
96
Tur kang nyulayani iku
Wus wruh yen kawruhe nempil
Nanging laire angalah
Katingolo angemori
Mung ngenaki tyasing liyan
Aywo esak aywo serik
97
Yeku ilapating wahyu
Yen yuwono ing salami
Margo wimbuh ing nugroho
Saking heb kang moho suci
Cinancang pucuking cipto
Nora ucul ucul kaki
98
Mangkono ingkang tinamtu
Tampo nugrahaning Widhi
Marmo ta kulup den biso
Mbusuki ujaring janmi
Pakoleh lair batinnyo
Yeku budhi premati
99
Pantes tinulat tinurut
Laladane mrih utami
Utomo kembanging mulyo
Kamulyan jiwo diri
Ora ta yen ngeplekano
Lir leluhur nguni uni
100
Ananging ta kudu kudu
Sakadar iro pribadi
Aywo tinggal tutuladan
Lamun tan mangkono kaki
Yekti tuno ing tumitah
Poma kaestokno kaki
Comments
Post a Comment